Նпր Մшնրшմшuներ. Արթիկում մшhшցшծ hшյտնшբերվшծ 16-шմյш Դшվիթը տшն միшկ երեխшն էր․ Նրան․․․

Երեկ՝ նոյեմբերի 17-ին, Շիրակի մարզի Արթիկ քաղաքում մահացած հայտնաբերված 16-ամյա Դավիթ Չոփիկյանը ընտանիքի միակ որդին էր։Արթիկի թիվ 4 դպրոցի տնօրենի ժամանակավոր պաշտոնակատար Արմենուհի Խաչատրյանը Oragir.News-ի հետ զրույցում ասաց, որ Դավիթը 9-րդ դասարանն ավարտելուց հետո ընդունվել և սովորում էր Արթիկի պետական քոլեջում․ «Դավիթը շատ լավ աշակերտ էր՝ օրինակելի վարքով, սովորելով

Դհոլ էր նվագում՝ միջոցառումները զարդարելով։ Հարգված մարդկանց երեխա էր․ ծնողները մանկությանս ընկերներն են։ Խելոք ու շնորհքով մարդիկ էին։ Ոչ մի ավելորդություն չունեին։ Դավիթը տան միակ երեխան էր»։

Տնօրենի խոսքով՝ 16-ամյա տղան առողջական խնդիր է ունեցել, որի մասին նրա մահվանից հետո են միայն իմացել․ «Մեծ ցավ է բոլորիս համար։ Ասում են՝ սրտի հետ խնդիրներ է ունեցել, որոնց մասին դպրոցում չի խոսվել, չի նկատվել։ Հասունացման շրջանում աճի հետ կապված՝ խնդիրներն աստիճանաբար ի հայտ են եկել, երբ արդեն Տեխնիկումի ուսանող էր»։

Դպրոցի տնօրենն ասաց, որ ուսուցչական կոլեկտիվն այսօր ներկա է եղել Դավիթի հոգեհանգստի արարողությանը։ Վաղը 16-ամյա տղային հողին կհանձնեն։

Ավելի վաղ հայտնել էինք, որ նոյեմբերի 17-ին ողբերգական դեպք է տեղի ունեցել Շիրակի մարզում: Ժամը 05:55-ի սահմաններում ՀՀ Ներքին գործերի նախարարության ոստիկանության Արթիկի բաժին «Արթիկ» շտապօգնության կայանից ահազանգ է ստացվել, որ բժիշկների հերթապահ խումբը կանչով մեկնել է Արթիկ քաղաքի տներից մեկը, որտեղ հայտնաբերել են տղա երեխայի դի: