Բելգորոդի շրջանում հակաահաբեկչական գործողության ընթացքում «ազգայնական կազմավորումները արգելափակվել են ու ջախջախվել»։ Այս մասին հայտնում են ՌԴ պաշտպանության նախարարությունից։
Պաշտպանության նախարարության տվյալներով՝ ոչնչացվել է ավելի քան 70 ուկրաինացի զինվոր, 4 հետևակի մարտական մեքենա և 5 պիկապ։
Դիվերսանտները Կոզինկայի բնակիչներից առգրավել են բջջային հեռախոսներ և լիցքավորիչներ։ Այնտեղ մնացած մարդկանց հարազատները պատմել են, որ բնակիչներից մի քանիսին դուրս են քշել տներից՝ դրանցում ամրություններ կազմակերպելու համար։
Ամենաբարդ իրավիճակը սահմանամերձ բնակավայրում՝ Կոզինկայում էր։ Այնտեղ հոսանք չկար, իսկ երեկ ոչ բոլոր բնակիչներին են հասցրել տարհանվել։
Բելգորոդի շրջանի վրա հարձակման ժամանակ սպանվել է Կոզինկա գյուղի մեկ բնակիչ։ Այս մասին հայտարարել է նահանգապետ Վյաչեսլավ Գլադկովը։
Ավելի վաղ ռազմական հրամանատար Ալեքսանդր Սլադկովը հրապարակել էր գրառում, որում ասվում էր, որ դիվերսանտները կրակել են մի մարդու վրա, երբ նրա վրա հայտնաբերել են պաշտպանական միջոցներ։
Ըստ «Base»-ի՝ մահացածի անունը Յուրի է։ Նա մարտին չի մասնակցել, մահացել է բեկորային վնասվածքից։ Բացի այդ, վիրավորվել է մահացածի կինը՝ նա այժմ հիվանդանոցում է։
Այսօր առնվազն 4 անօդաչու թռչող սարք է նաև խոցվել՝ Բելգորոդի շրջանի օդային պաշտպանության ուժերի կողմից։ Դրանք բոլորը արձակվել են Խարկովի մարզից։
Առաջին անօդաչու թռչող սարքը խոցվել է առավոտյան մոտավորապես ժամը 8:30-ին Բելգորոդի շրջանի Սոլոմինո գյուղի մոտ։ Ենթադրաբար այն արձակվել է Վոլչանսկից։ 10 րոպե անց Ռազումնոե գյուղից մի քանի կիլոմետր հեռավորության վրա երկու անօդաչու թռչող սարք են խոցել։ Նախնական տվյալներով՝ դրանք արձակվել են նաեւ Խարկովի մարզի Վոլչանսկ քաղաքից։
Եվս 40 րոպե անց անօդաչու թռչող սարք է արձակվել Ռազումնոյե գյուղ։ Այն ևս ոչնչացվել է հակաօդային պաշտպանության ուժերի կողմից։
Ավելի ուշ Պաշտպանության նախարարությունը կադրեր է հրապարակել Բելգորոդի մարզում ուկրաինական դիվերսանտների լիկվիդացման վայրից։