Երևանում անչափ հուզիչ ու հիշարժան տեսարան է տեղի ունեցել։ Կրակի ճիվաղներից փրկված 19 երեխաները, որոնց կյանքը հրշեջ Կարեն Մնացականյանն իր անձնվիրությամբ փրկել էր, այսօր այցելել են հիվանդանոց՝ հանդիպելու իրենց հերոսին, ով շարունակում է պայքարել իր կյանքի համար։
Երեխաները, այինի աշխատակիցների ուղեկցությամբ, կանգնել են հիվանդանոցի բակում, հենց այն սենյակի տակ, որտեղ բուժում է ստանում Մնացականյանը։ Հավաքվածները հուզված ու ակնածանքով երգել են Հայաստանի Հանրապետության հիմնը՝ որպես շնորհակալություն իրենց կյանքը փրկած հերոսին։
Տեսարանը հուզել է ոչ միայն ներկաներին, այլև ամբողջ հիվանդանոցի անձնակազմին, ովքեր ակնհայտորեն հիացած էին երեխաների հոգատարությամբ ու երախտագիտությամբ։ Հրդեհի ժամանակ Կարեն Մնացականյանը, իր անձնվիրությունը դրսևորելով, կարողացավ հրդեհի բոցերի միջից դուրս բերել բոլոր երեխաներին՝ չնայած իր ստացած ծանր վնասվածքներին։ Հրշեջը հիմա գտնվում է բժիշկների խիստ հսկողության տակ, և նրա վիճակը մնում է ծանր, սակայն կայուն։
Հերոսական քայլը, ինչպես նաև երեխաների այցելությունը, մեծ արձագանք է գտել սոցցանցերում, որտեղ մարդիկ շարունակ շնորհավորում են Մնացականյանին նրա անվախության և հերոսության համար։ Տեղեկացվում է, որ վարչապետի որոշմամբ Կարեն Մնացականյանը շուտով կպարգևատրվի ազգային հերոսի կոչումով և 10 միլիոն դրամով։
Սա մի հիշողություն է, որը հավերժ կմնա երեխաների և Մնացականյանի սրտերում, ինչպես նաև ամբողջ հասարակության հուշերում, որպես հիշեցում, որ իսկական հերոսները մեր կողքին են։