Ռուսաստանի գրաված շրջանների ղեկավարությունը Խարկովի մարզում սկսել է բնակչության տարհանումը։ Տարհանումն իրականացնում են Իզյում, Կուպյանսկ և Վելիկի Բուռլակ քաղաքներից։
«Կոմերսանտ»-ը տեղեկացնում է, որ ակտիվ ռազմական գործողությունների գոտուց կանանց և երեխաներին տեղափոխում են Ռուսաստանի Կրասնոդարի երկրամաս։
Ուկրաինական զորքերը Խարկովում ճեղքում են իրականացրել և հասել Կուպյանսկ հանգուցային քաղաքի մատույցներ։ Այնտեղ այժմ մարտեր են ընթանում։
Ռուսական բանակի իզյումյան խմբավորման մատակարարարումը իրականացվում է Կուպյանսկով։
«Կոմերսանտ»-ը հայտնել է, որ ՌԴ ՊՆ-ն մեկնաբանություն չի տվել ռազմաճակատում ստեղծված իրավիճակի վերաբերյալ, իսկ Կրեմլից հորդորել են լրագրողներին՝ իրենց հարցերով դիմել Պաշտպանության նախարարություն։
Отправить ответ