Խալի լվանալը մեզ համար ոչ միայն զուտ գործողություն է, այլ նաև՝ մի ամբողջ արարողություն։ Հետաքրքիր է, բոլոր հայ կանայք սիրում են գորգեր լվանալ, ու, հնարավորություն ու պայմաններ ունենալու պարագայում, իրենք են նախընտրում անել այդ գործը, քան թե օգտվել տարբեր ծառայություններից։
Էն օրը ես էլ էի էդ գործին։ Մեր շենքի բակում խալիներն էի լվանում։ Այնքան հաճելի զբաղմունք է իմ տարիքի կնոջ համար։ Հարևաններն էլ անցնում- դառնում էին, ողջունում ինձ, հետաքրքրվում որպիսությամբս։Մեկ էլ մեր հարևաններից մեկը՝ մի իմ տարիքի տղամարդ, մոտեցավ ինձ ու շատ գործնական տոնով էս խայտառակ առաջարկն արեց․
-Անժիկ ջան, 500 դրմով կարո՞ղ ես իմ խալիներն էլ լվանալ։
-500 դրամո՞վ։
-Հա, դե էդքան հեշտ գործ է, էդքանով չե՞ս անի։
Ապշած եմ։ Նախ շատ ծանր գործ է, հետո էլ ես գումար վաստակելու համար չեմ անում, այլ իմ ընտանիքի։ Տղես որ իմանա, դրան շան օրը կգցի։ Հարևանության մոտ խայտառակ արեց անմակարդակը։
Отправить ответ