Որպես կանոն, կանայք ավելի զարգացած ինտուիտիվ ունակություններ ունեն, քան տղամարդիկ:
Նրանք ավելի լավ են տարբերում սուտը, բացահայտում ուրիշների իրական դրդապատճառները, մշակում խորամանկ ծրագրեր:
Միայն թե այս ամենը գործում է, երբ կնոջ միտքը չի ստվերվում սիրո շղարշով:
Բայց նույնիսկ եթե սերը թելադրի իր կանոնները, միշտ կարող ես օգտվել հուշումներից:
Օրինակ՝ ծանոթանալով այն արտահայտություններին, որոնք ոչ մի տղամարդ երբեք չի ասի իր սիրելի կնոջը:
1. «Քեզ ինչ-որ բան դուր չի՞ գալիս: Ուրեմն արի բաժանվենք»
Եթե տղամարդը, ամեն մի աննշան վեճից, աղետ է ստեղծում, ապա սա արդեն լուրջ պատճառ է մտածելու իր մտադրությունների լրջության մասին: Նա իրեն պահում է անհաս, չի կարող ուղղակիորեն պատմել իր իսկական զգացմունքների մասին, հետևաբար նա հրահրում և շանտաժի է ենթարկում ձեզ:
Եթե նա իսկապես գնահատեր ձեր հարաբերությունները և վախենար ձեզ կորցնելուց, նա երբեք նման վերջնագրեր չէր ներկայացնի: Հնարավոր է, տղամարդը իսկապես ուզում է բաժանվել, նա միայն վախենում է դրա մասին ուղղակիորեն խոսել:
2. «Ինձ նյարդայնացնում է քո պահվածքը/ոճը/ սովորությունները»
Դուք պետք է հասկանաք, որ իսկապես սիրող տղամարդը չի մատնանշի ձեր թերությունները, նույնիսկ եթե դրանք տեսանելի են անզեն աչքով և նյարդայնացնում են որոշ մարդկանց: Նա կընդունի ձեզ բոլոր թերություններով հանդերձ: Տղամարդը չի ամաչի ձեր ընկերակցությունից, կծու մեկնաբանություններ չի անի ձեր հասցեին, թունավոր կատակներ չի անի:
Բայց եթե կինը սիրված չէ, ապա ամենօրյա քննադատություններն ապահովված են: Նախաճաշը համեղ չէ, տունը վատ է մաքրված, իսկ ինտիմ հարաբերություններում ամեն ինչ վատ է: Այստեղ անկեղծ զգացմունքների մասին խոսք լինել չի կարող:
3. «Ես քեզ պարտական չեմ, ինքդ լուծիր խնդիրներդ»
Իհարկե, տղամարդը պարտավոր չէ լուծել ձեր բոլոր խնդիրները, բայց բացարձակ եսասիրություն ցուցաբերելը նույնպես անընդունելի է: Հատկապես, եթե ամեն ինչ անում եք նրա բարօրության համար, իսկ ընտրյալը դրա դիմաց ոչինչ չի տալիս: Սա սպառողական հարաբերություններ են:
Սիրող տղամարդուն կանհանգստացնի այն ամենը, ինչ վերաբերում է ձեզ: Նա ոչ միայն գեղեցիկ բառեր կասի, այլև կգործի, հոգ կտանի ձեր մասին, կտա ջերմություն և քնքշություն:
Սիրող տղամարդը միշտ կուրախացնի ձեզ, իսկ եսասերը միայն կօգտագործի ձեզ:
4. «Ես ժամանակ չունեմ քեզ համար, չափից շատ գործ կա»
Պետք չէ լսել տղամարդու անվերջ արդարացումները կամ ինքներդ արդարացնեք նրան: Եթե ձեր զուգընկերը իսկապես ցանկանում է հանդիպել ձեզ, նա ժամանակ կգտնի դա անելու համար:
Թեկուզ շատ գործ, տնային հոգսեր, մայրը, որ դեմ է ձեր հարաբերություններին՝ այս ամենը չի կարող էական խոչընդոտ լինել սիրող տղամարդու համար:
Եթե դուք ինքներդ պետք է անընդհատ զանգահարեք տղամարդուն և հանդիպումներ փնտրեք, ապա ի՞նչ փոխադարձության մասին կարող ենք խոսել: Թույլ մի՛ տվեք ձեզ այդքան նվաստանալ տղամարդու առջև:
5 «Կհարմարվի՝ կսիրի»
Հարաբերություններում չպետք է տեղ ունենա այս արտահայտությունը: Սա կանոն է այն մարդկանց համար, ովքեր միտումնավոր զրկում են իրենց անձնական երջանկությունից:
Մի հանդուրժեք նվաստացումը, հերթական հնարավորությունը մի տվեք ձեր զուգընկերոջը, մի փորձեք վերադարձնել հարաբերությունները հիսերիայի և խղճահարություն առաջացնելու փորձերի օգնությամբ: Ձեզ պետք չէ մի տղամարդ, ով չի պատասխանում ձեզ փոխադարձությամբ: