Shamshyan.com-ը գրում է.
Այսօր՝ հուլիսի 18-ին, ողբերգական դեպք է տեղի ունեցել Տավուշի մարզում։ Ժամը 14։30-ի սահմաններում ՀՀ Ներքին գործերի նախարարության Ոստիկանության Տավուշի մարզային վարչություն ահազանգ է ստացվել, որ Նոյեմբերյան խոշորացված համայնքի Հաղթանակ բնակավայրի «Վադապադ» կոչվող տարածքում գետը երեխա է ընկել։
Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել ՀՀ ՆԳՆ Ոստիկանության Տավուշի մարզային վարչության պետ Արթուր Մկրտչյանը, Ոստիկանության Նոյեմբերյանի բաժնի պետ Վահան Ազատյանը։
Ժամանել են նաև ՆԳՆ Փրկարար ծառայության Նոյեմբերյանի հրշեջ-փրկարարական ջոկատից 1 մարտական հաշվարկ։
Մինչ հրշեջների ժամանումը, քաղաքացիները «Վոդխոզ» կոչվող տեղամասի մոտակայքում հոսող Դեբեդ գետից դուրս են բերել Տավուշի մարզի բնակիչ, 14-ամյա Միսակ Տ․-ին։ Վերջինս շտապօգնության ավտոմեքենայով տեղափոխվել է «Նոյեմբերյան» բժշկական կենտրոն, որտեղ բժիշկները արձանագրել են երեխայի կենսաբանական մահը։
Դեպքի փաստով Հայաստանի Քննչական կոմիտեի Տավուշի մարզի քննչական վարչության Նոյեմբերյանի քննչական բաժնում նախաձեռնվել է քրեական վարույթ։
Լուսանկարները՝ Սմբատ Պետրոսյանի
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով։
Отправить ответ