Առողջապահության նախարար Անահիտ Ավանեսյանն այսօր լրագրողների հետ զրույցում հայտարարեց, որ Հայաստանում վերջին մեկ ամսվա ընթացքում կորոնավիրուսի դեպքերի աճ է գրանցվել։
Ըստ նախարարի՝ դա պայմանավորված է ճամփորդությունների ակտիվացման հետ։ Եվրոպական երկրներում ակտիվ կերպով տարածվում է ալիքը։
«Մենք կանխատեսում էինք, որ վարակի ներթափանցում կլինի, զգոն կերպով հետևում ենք, իսկ առողջապահական համակարգը պատրաստ է ցանկացած զարգացման»,-հայտարարեց նախարարը։
«Եթե համաճարակային իրավիճակը նորից սրվի այն աստիճան, որ կարիք լինի սահմանափակումների՝ նախարարությունն անպայման կգնա այդ քայլին, բայց այժմ նման իրավիճակ չունենք»,- նշեց նախարարը։ Նա հորդորեց, որ բժշկական կենտրոններ այցելելիս լավ կլինի անպայման դիմակ կրել։