Մրգաշեն գյուղում բնակվող 11-ամյա Լիլիթ Սիմոնյանը, ով ունի մանկական ուղեղային կաթված ախտորոշում, օգնության կարիք ունի։ NEWS.am-ի հետ զրույցում Լիլիթի մայրը՝ Լիաննան, պատմեց ընտանիքի դժվարությունների մասին՝ նշելով, որ իրենց ընտանիքում 3 անչափահաս երեխա կա, և իրենք ապրում են սոցիալական ծանր պայմաններում՝ ստանալով միայն նպաստ և թոշակ։

«Երեխան 2 անգամ վիրահատվել է՝ 6 տարի առաջ և նախորդ տարի։ Վիրահատությունների ընթացքում վնասված վերջույթներն են վերականգնվել՝ արհեստական ջիլեր ավելացնելով։ Հաջորդ վիրահատությունը նախատեսված է 12 կամ 13 տարեկանում։ Ներկայումս Լիլիթը անցնում է վերականգնողական բուժում, և մեզ անհրաժեշտ է ֆինանսական աջակցություն, որպեսզի կարողանանք շարունակել այդ գործընթացը»,- պատմեց Լիաննան։

Լիլիթն այս պահին հաճախում է Դավթաշենի «Դելֆին» լողավազան, սակայն լողավարժությունների վճարը՝ 55 հազար դրամ 24 պարապմունքի համար, մեծ դժվարություն է նրանց համար։ Ընտանիքը ստանում է միայն 34,000 դրամ նպաստ և 37,000 դրամ թոշակ, իսկ ամուսինն օրավարձով բանվոր է աշխատում։

«Երեխան պարտաճանաչ է, աշխույժ, դպրոց է գնում իմ օգնությամբ։ Նրան շատ է անհրաժեշտ վերականգնողական բուժում, և մենք ամեն ինչ անում ենք, որպեսզի կարողանանք ապահովել նրա կարիքները, բայց մեր հնարավորությունները սահմանափակ են»,- հավելեց Լիաննան։

Եթե ցանկանում եք օգնել Լիլիթին և նրա ընտանիքին, խնդրում ենք կապ հաստատել նրանց հետ կամ փոխանցել ձեր նվիրատվությունը։

Այս պատմությունը մեծ արձագանք է գտել սոցիալական ցանցերում, և մենք հույս ունենք, որ մեր համայնքը միավորվելով կկարողանա աջակցել այս փոքրիկին և նրա ընտանիքին այս դժվար ժամանակահատվածում։