Եվրամիության ոստիկանական ծառայությունը ձերբակալել է 18 մարդու, այդ թվում՝ Քութաիսիից ժամանած վրացի 13 «օրենքով գողերի», հաղորդում է կազմակերպության կայքը:
Եվրոպոլը դա լուրջ հարված է անվանել ռուսախոս մաֆիային: Հաղորդվում է, որ ձերբակալվածներն անցել են Իտալիայի, Չեխիայի, Ֆրանսիայի, Հունգարիայի, Լիտվայի և Պորտուգալիայի տարածքներով: Ոստիկաններն առգրավել են թմրանյութեր, զենք և կանխիկ գումար:
Եվրոպոլը հայտարարել է, որ անցկացված գործողությունը հնարավոր է դարձել ԵՄ անդամ երկրների հետախուզության համակարգված աշխատանքի շնորհիվ: Գործողությունը ծրագրավորվել է 18 ամիսների ընթացքում, սպասվում են այլ ձերբակալություններ:
Отправить ответ